محادثات مفزعة بين طبيبات وطالبات طب
أخبار الأردن -
نشرت الباحثة أنسام غزوي، ما قالت إنه "أمثلة مكررة ومشتركة من محادثات مع صديقات مقربات أو زميلات طبيبات وطالبات طب في الأردن أو يدرسن الطب في المملكة.
وتاليا نص المحادثات وفق الباحثة:
-يا ريتني ما جبت معدل بالتوجيهي و ما دخلت طب حاسة عمري انسرق مني
-بحس حالي مطفية من جوا ما الي نفس فبتهرب من كل المناسبات الاجتماعية بحجة الدراسة
-منكدة على حالي وعلى أهلي طول فترة الامتحانات توتر وبكى
-نفسي ما ادخل اقامة بس مستحيل تزبط اهلي دفعوا آلاف موازي
-لا مستحيل أكسر قلب بابا دفع كل اشي معه لإنه بده يشوفني/يشوفنا دكتورة
-كل ما اترك ابني بحس بالذنب و بتقطع من جوا ولما برجع بكون هلكانه و بدي ادرس يا بتركه عند اهلي يا بضلني اهزله حتى ينام/ بشربهدوا حتى ينام
-الله ستر رحت ما اعمل حادث
-بس لا مستحيل اترك الطب/الاقامة بعد كل هالوقت..اللي راح اكتر من اللي جاي هانت
-مستحيل اشوف حالي غير دكتورة (الترجمة: كل المكانة في كل جوانب حياتي جاييتني من اللقب، بدونه ما بضل اشي)
-ما قدرت اصلي طول المناوبة
-اهلي مستحيل يرضو ارضى بحدا مو دكتور و هي قربت عال ٣٠ و بعدني بدون زواج.
-ما بعرف اعمل ولا اشي بالبيت أو اتحمل مسؤولية اشي غير دراستي/دوامي…يلا بكرا بجيب شغالة
-لا مستحيل اروح فاميلي زي كأنه طب عام
-شكله بعمره ما حيطلعلي إقامة والعام كله شغل استعباد و ما بعطو اشي بستاهل
-بحس حالي بخبص ببعض الحالات ولا فاهمة شو بعمل و لما بسال ال senior بعصب/بتخوت/بطنش
-ما بعرف شو اعمل رنيت عالأخصائي و بهدلني قدام الكل
-الله ستر رحت ما اعمل حادث
-السينيور بهدلني/تخوت علي قدام المريض
-لا بس بابا بده ياني اروح نسائية/اطفال مستحيل احكيله لا..نفسي اروح ماينر/بيسك/ما اكمل
-كل يوم بضلني ابكي حتى انام
-ما بدي اتزوج الا دكتور و ما تقدملي ولا دكتور منيح والله شكلي رح "ارضى بحدا اقل مني"
-ترا الاقامة وين ما كانت تعب هون ولا هناك (الاردن/برا) جربت التنتين
-بروح هلكانة بتفشش بولادي
-unpaid ولا قعدة البيت
-كنت اقطع بعدين بطلت اصلي
-بنت المريض بهدلتني و كانت رح تمد ايدها و ما حد حكى اشي
-ما بقدر ما اكون رقم واحد
-الشغل وتعبه اسهل من انه اقعد مع بنتي
-ما بشوف زوجي الا بالويكند/اذا بتزبط اجازتي على اجازته
-بحس حالي ما بعرف اتفاهم مع الناس اللي برا الطب بحسهم بعالم اخر
-بحس ما بعرف افتح مواضيع بعيدة عن الطب/ ما بعرف اتواصل مع الناس/ ما عرفت شو احكيلها/ ما فهمت شو قصده
-مستحيل اقدر انخطب بالاقامة ما في وقت خلص لبعد الاقامة
-حاسة حالي ما بفهم باشي/ حاسة حالي ولا اشي
-نفسي حدا ياخد الولاد مني ويكند هيك اجازة
-بتوتر بسرعة و دايما قلبي بخفق
-يمكن عين/حسد من لما خلصت توجيهي
-كل حدا بفكرني مبسوطة/غنية/قوية
-ما بركز باشي ما بعرف كيف عملت هيك
-اذا حد حكى معي كلمة ببكي عطول
-بضلني اكل بعدين بحس بالذنب
-اهم اشي الحضانة تفتح لليل/بالويكند مشان انام شوي قبل ما اخدهم
-الله ستر رحت ما اعمل حادث
-مش عارفة انحف كل ما التزم برجع اتوتر و افش خلقي بالاكل
-بطلت مؤمنة بس ما حد بعرف
-ما بتقبل الانتقاد/حدا يخطئني انا دكتورة
-لا بس الناس…المجتمع…اهلي
-بحس انا لحالي هيك كل الدكتورات عادي متحملين
-مخنوقة
-مكتئبة
-نفسي اموت و اخلص
تابعوا أخبار الأردن على
